Feber hjå born

Mandag for omlag ei veke fekk både Anna og Magnus vaksine for svineinfluensa. Anna tålte det godt, og var i vanleg turbofart utan nokon endring. Magnus fekk feber dagen etter, og var varm og slapp ein heil dag.

Så gjekk det to dagar, der han var i sitt vanlege blide humør, høgt og lågt, og går langs kanten av stovebordet no. Fredag vart han dårleg att, og no har han lege jamnt rundt 40 grader i feber i tre fulle dagar. Eg er usikker på om det er svineinfluensa, det er no anbefalt å ta Tamiflu mot influensa, men dei anbefalar at born under eitt år konsulterar lege fyrst.

Me har ikkje vore til lege enno, men sidan det har vart så lenge så reiser me i morgon tidleg. Det er helg så er terskelen min for å dra med sjuke ungar til legevakten, med typisk lang ventetid, ganske høg. Magnus er slapp, men klar og blid, og så lenge han spiser og drikker godt, så synes eg han har det best heime (med ein flink pappa som omsorgsperson, sidan Anna og eg er heilt friske, og var på juleverkstad i går, ref forrige innlegg).

Wikipedia skriver om feber som den auken i kroppstemperatur ein får når kroppen forsvarar seg mot infeksjonar. Alt over ein kjernetemperatur på 38 grader er definert som feber. Ved temperatur over 40 grader bør ein kontakte lege. Temperaturar over 41 grader kan forårsake hypertermi (unormal oppvarming, gjerne saman med dehydrering). Temperaturar over 42 grader er livstruande.

Når born er sjuke er det viktigare å observere allmenntilstand enn temperatur. Punkta i lista under skal du være særleg på vakt mot, og kontakte lege dersom dei inntreffer:

• bornet verkar særs medtatt
• du har vanskar med å få kontakt med bornet
• bornet har utslett som ikkje forsvinn dersom du presser eit glas mot huden (fare for hjernehinnebetennelse)
• bornet har stiv nakke
• bornet har problem med å puste, eller særs rask pust
• bornet klarar ikkje å drikke
• feberen går ikkje ned etter to-tre dagar

Born under 6 månedar kan være vanskeleg å kontrollere allmenntilstanden til, og då bør du kontakte lege dersom du er i tvil.

Tradisjonsrik juleverkstad

Nina arrangerar kvart år ein juleverkstad med hobby og julesnacksproduksjon, og det er ein utruleg koseleg tradisjon. Det er mitt andre år som juleverkstad-deltakar, og Anna er like erfaren som meg. Ho leikar godt med eldstejenta til Nina, og eldsteguten til Akkanikka, og dei tre får pynte pepparkakehus og ete snop.

I fjor var det eindel eksperimentering med oppskriftene, og sjølv om det meste smakte kjempegodt, var kanskje ikkje alt like vellukka. I år var det derimot plankekøyring.

Me starta med brente mandlar ved ankomst, og ikkje nokon små porsjonar heller, men tre omgangar med totalt nesten 4 kg mandlar. For kvar omgong vart det auka mengder chili i sukkermiksen, og min meining er at spicy = betre.

Nina hadde på førehand sett saman tre peparkakehus, og dei tre unge/lovande fekk gå bananas i nonstop og seigemannskålene. Tålmodigheita fall med auka sukkerinntak, men resultata var aldeles nydelege.

Den søte nissegjengen var ein skikkeleg tålmodigheitsprøve, Anna hjalp meg med å måle, men montering av kjelken var superplundrete, og klipping av lue, liming av hår etc. var ikkje favoritten. Då var det betre å lage julemenn. Nina hadde ein oppskrift med kaldt vatn, sukker, smør og mjøl, som var enkel å slenge saman. Deigen kraup eindel, slik at alle menna såg relativt originale ut, dei var klare for paralympics heile gjengen.

Me hadde nokon nydelege fudge-oppskrifter, ein med vanilje, og ein med sjokolade, og dei vart verkeleg gode. Det vart visst ikkje tid til karamellar i år, men cornflakes-toppar med mørk sjokolade var den eine oppskriften som kom med frå i fjor (hverken heimelaga gelefigurar som aldri stivna, eller heimelaga drops som også tok si tid fekk fornya tillit).

Nina hadde også laga middag til oss, heldigvis, for det gjer seg med litt ordentleg mat innimellom alt det søte. Ho serverte vårrullar, dei var kjempegode, så no har eg litt prestasjonsangst, sidan eg skal servere det samme på mandag.

Dei to siste snopane var begge med marsipan. Nummer ein var marsipan med kanel steikt i steikeomnen, smakar omtrent som kransekake, men litt ekstra søtt, nesten litt i overkant. Til sist marsipanfigurar dekka med sjokolade, og med Kristine sin proffe sjokoladesmeltar var det ein litt anna kvalitet på desse i år, enn dei heller triste og uformelege kladeisane som eg produserte i fjor. Litt chili i sjokoladen gjorde susen.

Fyrste tur til tannlegen, heldigvis ingen Karius eller Baktus

Me høyrer eindel Karius og Baktus for tida. Anna har fått skikkeleg dreisen på Spotify(heldigvis er det kun på Kjell sin pc, så eg får ha min i fred), og lista hennar vert lengre og lengre, men favorittane er ikkje så mange, det er dei to nevnte fyrane, Ein elefant kom masjerande, og Teddybjørnens vise.

Men i dag var dagen for hennar fyrste tannlegebesøk. Tannteknisk sett tannpleiar, men eg synes tannlege-nemninga får halde for Anna sitt tre år gamle begrepsreportoar. Tannlegen har liksom eit imageproblem hjå Egner. Kven er det dei fryktar mest i verda, og som borrar i veg utan omsyn til nåde, og gjer dei to fyrane heimlause?

Så me har jobba opp tannlegekred-en i det siste. Snakka om korleis det er viktig å pusse tennene kvar kveld, for så å spytte Karius og Baktus ut i vasken. Alvoret med tannpine slo ut i full blomst rett i forkant av og i løpet av rotfyllinga mi i haust (auauau). Me synger tannpussesong også.

Det blir ikkje hol i ei tann som er rein,

tennene dei pussar me ein etter ein,

godteri ete me berre til fest,

slik ei gong i veka er best,

det er flaut, det er flaut, det er flaut, flaut, flaut,

å berre kunne ete graut

I det siste har me øva oss på kva tannlegen skal gjere. Anna har fått seie "gap opp" til meg, og telle tennene mine, og så har eg fått gjere det samme med henne.

Mamma fortalde meg at min fyrste tannlegetime nekta eg å komme opp i den store stolen, og timen vart brukt fyrst hylande, og så leikande med ein liten bil på golvet. Tannlegestolen har vore diskusjonstema, eller meir at ho skal få sitte i den stoooore stolen, og pappa skal sitte i den bittelille.

All treninga har tydlegvis vore vellukka, for det var ei superstolt jente som kom heim i dag, og hadde fått ring med rosa stein i. Ho fekk velge ringen sjølv, og det er råååsa for alle pengane.

Og det var sjølvsagt null hull, og masse skryt!

Nettbutikktips: leika.no

LEIKA seier dei har skandinavias beste utvalg til born og omgjevnadane.

Det er mange barnehagar som handlar her, og det er verkeleg utruleg mykje inspirasjon inne på sidene. Noko til julegåvetips?

Anna er veldig glad i dyrefigurar for tiden, spesielt elefantar. Inne på Leika selger dei mellom anna dyr frå Schleich, dei har dei i barnehagen, flotte naturtro figurar.

Til å fylle julekalendaren med har eg kjøpt ein pakke Duplo ville dyr, som eg skal dele opp i småpakker.

Oppskrift på monsterbukse

Dersom eg hadde kunna strikke, så skal eg strikke denne buksa. Eg skal vurdere å lære meg det, for eg trur Magnus ønskar seg denne til jul. Kanskje laurdag blir handarbeidsdag for meg også, eller kva, Nina?

Her er oppskrift på denne buksa ihvertfall, til ære for mine strikkande venninner.

Monsterbukse

Str 1,5 år.
Dobbel 4 tråds Opal i rød og grønn + en rest
hvitt og svart til munn og øyne. 1 nøste av
hver.
Legg opp 126 m på pinne nr 3,5.
Strikk 2 r og 2 vr, 6 omg. Lag hullrad ved å
strikke * 2 r, fell 2 vr, ta 1 kast, strikk 2 r*.
Strikke 6 omg rett og vrang.
Gå over til glattstrikk og strikk 10 cm. Del
arbeidet i 2. Sett et merke midt bak, for nå
skal buksen strikkes høyere bak.
Begynn midt bak med rødt garn.
Strikk helt ut til hvert sidemerke, og strikk så 5 m
mindre for hver gang du snur.
Når du har 20 m igjen, strikker du frem og tilbake
en gang, så 1 m.
Gå over til grønt garn over alle maskene til du
har strikket 7 cm. Øk 1 m på hver side av
midtmaskene, hver andre omg, 4 ganger.
Del arbeidet og strikk hvert ben for seg. Fell 2
m på innsiden av benet hver 4 omg i alt 4 ganger.
Strikk 5 cm grønt
Strikk 7 omg rødt
Strikk 7 omg grønt
Til i alt 5 røde striper. Siste grønne stripe strikkes i perlestrikk: 1 rett, 1 vrang, på
andre omg 1 vrang og 1 rett.
Broder på tenner og øyne i maskesting.
Fell av og sett i strikk i livet.

(biletet er lånt frå http://rampusgutt.com/)

Green curry kylling

Her kjem den siste av matoppskriftene frå thai-matkurset. Thai Curry har vore min favoritt heilt sidan eg budde på Broadbeach, Gold Coast, rett ved ein fantastisk bra Thai-restaurant, og eg har smakt både gul, grøn og raud. Den mest vanlege er grøn, og det er min favoritt også. Eg trur ikkje det er så stor forskjell eigentleg, det kjem an på kva for farge det er på chilien i pasten, og for chili er det jo eigentleg størrelsen som teller (dess mindre, dess sterkare).

Me vart fortalt at curry-paste er veldig viktig for ugifte damer i thailand, dei blir ikkje gift før dei kan lage det. Den skal knusast i morter, og den skal bli heilt glatt på konsistens. Ein potensiell friar vil høyre på tempoet av morterknusinga om dette er eit dugandes kone-emne eller ikkje, og dei med klumpar i curry-pasten er late og ikkje klare til å bli gift enno.

Vel, eg er alt gift, og det er kurshaldaren også, så ho anbefalte å kjøpe ferdig paste!

Ho hadde med alle ingrediensar og viste oss dei, så her kjem oppskrifta:

Green Curry Paste
30 gr fersk grøn chili
3 stk thai sjalottenlauk
3 kvitlauksbåtar
2 ts galangai
1 ss sitrongras
1 ts finhakka kaffirlimefrukt
1 ts korianderpulver
1 ts karve
1 ts gurkemeie

Ha alle ingrediensane i ein morter, og knus til du blir gift, altså :)

Kylling Green Curry
500 g kyllingfilet i strimlar
2 ss matolje
2 ss green curry paste
1 boks kokosmjølk
1,5 ss sukker
2 ss fiskesaus
1/2 squash
2 snack paprika
1 boks bambusskot
1 ss basilikum

Varm opp olje i panna, og bland den med paste. Spe med kokosmjølk, litt om gongen, og gje eit oppkok før du sper meir, for å få ein olja konsistens. Tilset kyllingen, og lat den koke inn nokre minutt.
Du kan heilt fint koke ferdig fram til dette punktet kvelden før, dvs med kylling, men utan grønsaker. Så når du skal servere, så kokar du opp, tilset bambusskot, squash og paprika, og smakar til med sukker og fiskesaus. Tilset basilikum etter du har tatt retten av plata.

Server varm med ris til. Enjoy!

Dagens song: Nederst sitter tærne

Anna starta å synge i kor i haust, og i dag var det vår aller fyrste kyrkjekonsert. Ho er så flink til å synge, lærer raskt nye tekstar, og treffer tonen (det har ho ikkje lært av mora..)

I dag song dei "Hoppe! Sa gåsa", og denne nye songen som me har øvd masse på, "Nederst sitter tærne". Det er ganske mykje å hugse for små jenter, men ho kan heile teksten. I god bornekor-and er det masse bevegelsar til, så det er ganske gøy å synge den.

Tekst
Nederst sitter tærne, (ta på tærne og påfølgande kroppsdeler)
hælen kommer så,
leggene og knærne
med enden ovenpå, (riste på rompa)
mage, bryst og hode
hvor nesa stikker ut, (peikefingre på kvar side av nasen)
håret er i toppen, (håret løftast rett opp)
-slik er vi skapt av Gud! (strekk begge armane opp)

Panne, øyne, ører,
røde kinner små, (teikne sirklar på kinna)
skuldre, armer, hender,
fingre fikk vi så,
lungene og hjertet, (først begge hendene på brystet, så legg høgre hand over venstre for å vise hjertet)
muskler og skjelett. (først vise kor sterk du er, så falle saman som potetsekk)
Slik har Herren skapt oss,
-fantastisk rett og slett!


Etterpå var me på biblioteket, det var masse born og liv og røre. Hjortegryte til middag i dag også, det er visst blitt den nye søndagsfavoritten.