Nytt bilbarnesete str II/III

Me har besøk av Kjell sine foreldre i helga, og i dag reiste dei på ein aldri så liten harrytur til sverige. Magnus og eg er att heime, det er jo ikkje plass til alle saman i bilen! Eg er framleis forkjøla og trøytt, så eg synes det er veldig deileg å være litt i ro i heimen.

Me har snakka om at Anna skal få seg eit nytt bilsete. Ho sit framleis trygt og bakovervendt i Britax Secura, men me har tenkt på at ho skal få eit beltesete som neste sete når ho blir 4 år. Magnus sitt litt trangt i DuoLogic-en, det er veldig korte selar, og ikkje plass til gullklumpen når han har dress på, det går kun med tynn jakke. Så han skal få flytte over i Securaen, når Anna får nytt sete.

Eg har gjort litt research på området, og når Anna no skal sitte framovervendt, så er det tryggare for henne å sitte fastspendt i bilen sine eigne selar, enn ved interne selar i eit bilsete. Årsaken er at interne selar slepper mindre ved ein kollisjon, og dermed forårsakar ein hardare belastning på hovud og nakke for born. Det er derfor ein beltestol som me skal gå for.

Eg har funnet dei tre mest anbefalte beltestolane:

• Maxi Cosi Rodi XR
• Britax Kid Plus
• Cybex Solution X

For bilbarneseter er pris og farge fullstendig underordna. Desse stolane stiller forhaldsvis likt i testresultat, så det er heller ikkje utslagsgivande. Alle tre seta er kun framovervendt, og i vektklassen 15-36 kilo. Dei har regulerbare høgder, slik at setet veks med barnet, og dei kan ha setet til dei er ca 10-12 år. Det er sterkt anbefalt å sitte i eit slikt sete heilt til ein er stor nok til å sitte vanlig. Det er ikkje anbefalt å kun sitte på ei pute, det gjev ikkje nokon sidebeskyttelse, og heller ikkje riktig ryggstilling.

Det viktigaste for ein slik beltestol er at det er enkelt å montere den riktig. Eg synes også brukarkomfort er viktig. No er Anna så stor at ho kan gje klare tilbakemeldingar for korleis ho likar setet eller ikkje. Det som dermed er utslagsgivande er korleis setet passar inn i bilen, og korleis Anna likar å sitte i det.

Fortsettelse følger i setevalget.