Søndag 10. mai slutta Anna med smokken. Me har snakka eindel om det i forkant, og no visste eg at ho var klar for å gje den frå seg.
På morgonen samla me saman alle smokkane, og bandt dei fast til ei lang snor. Det var kjempegøy, ho fekk tre alle innpå. Så samla me heile familien, og gjekk ut til smokketreet i hagen. Kjell satte opp stigen, og så fekk Anna sjølv klatre heilt til topps og henge opp smokkesnora.
Etter ho klatra ned att, så vinka me farvel til smokkane, og sidan ho har slutta med smokk så kom smokkedama på natta og tok med seg alle smokkane. Eg trudde smokkedama budde i smokkeland, men Anna seier ho bur i nederland, så det er i nederland alle smokkane er no.
Ingen kommentarer:
Legg inn en kommentar