Bake boller til barnehagebesøk

I dag har me hatt ein superkoseleg dag med besøk av to vennepar med til saman fem ungar. Verkeleg litt kaos med sju born i alderen 1-5 som springer rundt. Heldigvis har det vore nydeleg vær, og me har vore masse ute. Trampolina har fått køyre seg, den var mest populære leika i dag.

Dagens tips er å lage gele i porsjonsformer. Eg brukar dei farga plastkoppane frå Ikea, dei er heilt geniale, Ikea-serviset blir brukt til både vaksne og born ves slike anledningar. Ein pakke gele held til sju koppar, då er det litt mindre enn ein dl i kvar, og plass til å fylle på vaniljesaus for dei som ønskar det.

Lotta hadde med seg nydelege truser frå den nye Dorothea-butikken, pluss kjempegode bollar, alle bollane vart spist opp! Lindis hadde med ein kjempegod brownies-kake. Eg må verkeleg få alle oppskriftene her, for det var så populært!

Mr 1,5 har vore litt pjuskete i dag, eg trur det er den aller siste hjørnetanna som plagar han. Han er litt varm no, så han får bli heime i morgon. Frk 4 skal gå på tur med barnehagen i morgon, og når eg sjekka planen no i dag, så skal dei gå på tur til vårt hus, og spise lunch på terrassen. Så då blir planen å være heime med begge i morgon tidleg, og så kan frk 4 gå til barnehagen med gjengen sin etter lunchen.


Oppskrift på bollar utan mjølk
Det er tomt for mjølk, men eg vil gjerne bake litt til besøket i morgon, så eg fann ein oppskrift på matoppskrift.no. Eg lagar deigen i kveld, og bakar ut i morgon tidleg.
5 dl vatn
50 g margarin
2 g salt
50 g gjær
1 kg kveitemjøl
2 dl sukker

Rør saman det turre. Smelt smør, og bland i vatn, lat det være lunka. Rør saman alt, lat heve.
Trill til bollar, bruk rosiner om du likar det. Etterhev.
Steik på 225 grader i 8-10 min. Omlag 30 bollar.